Кавадарци одбележува 148 години од отворањето на Народно читалиште во Ваташа

Кавадарци денеска одбележува 148 години од отворањето на народно читалиште во селото Ваташа во 1869 година.

Историчарот Петре Камчевски информира дека Јордан Хаџи Константинов-Џинот пишувал за постоењето и функционирањето на читалиштето со напис во весникот „Право”. Тоа, споед него,  упатува на претпоставка  дека токму Џинот бил иницијатор за такво нешто во Ваташа.  

-Просториите во кои било сместено читалиштето се наоѓале во училиштето кое го носело името на првиот македонски печатникар и преродбеник Даскал Камче Поп Ангелов. Селото Ваташа, било едно од првите од таков вид читалишта на село во Македонија. Било снабдено со весници, списанија и книги. На годишнината од формирањето на читалиштето, во 1870 година. Жителите на Ваташа по завршувањето на богослужбата во црквата Света Богородица заминале во читалиштето, па поголем дел од нив подариле пари-грошови за купување на нови ниги, вели Камчевски, кој е директор на кавадаречкиот музеј.

Како факт кој кажува дека селаните ја сакале книгата и имале почит спрема неа, Камчевски наведува дека во тоа време, од вкупно 312 македонски претплатници за книгата „Служение еврејско”,  38 биле од Тиквешијата. Од нив, 13  од Ваташа