Караманлис: Потписот на Преспанскиот договор не дава автоматски билет за ЕУ!
Во однос на Северна Македонија никој не треба да си замислува дека со потпишувањето на Договорот од Преспа автоматски се добива и билет за Европската Унија – изјави вчера во Солун Костас Караманлис, поранешниот премиер на Грција, кој ја блокираше поканата на Македонија за НАТО во 2008 година.
Караманлис додаде дека Грција можела и може да бара уште повеќе во врска со северниот сосед, кој според него, има и други проблеми освен оние со Грција.
Во својот говор одржан вчера вечер пред „Асоцијацијата за македонски студии“, која прославуваше 80 години од постоењето, Караманлис истакна дека во следниот период за Грција постојат неколку важни предизвици.
Еден од предизвиците е одбраната и промоцијата на грчкиот карактер на Македонија и на заштитата на комерцијалниот бренд на името. Следниот предизвик според поранешниот грчки премиер е непостојаноста на САД, која „се одразува на битни прашања, како што се таканаречената Арапска пролет, контраверзните политики кон Сириското прашање, како и немањето на конзистентност на САД во нејзиниот однос кон Турција“.
Битно место во предизвиците за официјална Атина беше посветено на смислените и редовни провокации кои Турција и ги прави на Грција.
Нема сомнеж дека ние се соочуваме со директни и злонамерни ескалации од страна на Турција, од реката Еврос, па се до Кипар. Тоа се планирани и систематски ескалации. Но, сега барем знаеме каде се насочени стратешките потези на Анкара – додаде Караманслис.
Минатото не научи дека Грција не смее да дозволи да потпадне на провокациите на Анкара, ниту смее да дозволи ситуација на свршен чин во однос на нејзиниот суверенитет. Затоа мораме постојано да бидеме во состојба на приправност и подготвеност, бидејќи да не се залажуваме, одбраната на грчките суверени права и на националниот интерес најмногу зависи од Грција – подвлече Караманлис.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп