Порталот ОдитиЦентрал објави вриказна за жена од Индија која речиси цел ден поминува во вода за да си ја олесни болката. Таа наводно има 65 години и секој ден поминува во 12 до 14 часа во езерото за да си ги ублажи болките и воспаленијата.
Според наводите на руските медиуми кои ја објавија снимката од жената, тоа трае од 1998 година, а жената се „бања“ токму секој ден. Наведуваат дека живеат во забаталено село во Индија и дека нејзиното семејство нема пари за да и го плати лекувањето. Во вода влегува рано в зори, а од неа излегува по залезот на сонцето.
Не сака да биде сама, па друштво на брегот и прават членови на семејството или пак соседите. Жената јаде само малку ориз и зеленчук. Семејството најчесто и го носи оброкот, а таа го јаде додека е во вода.
Луѓето во селото веруваат дека таа би можела да стане „дух на езерото“, а семејството се надева дека ќе успее да собере пари и да ја однесат на лекар.
