Кање Вест најави настап во Русија и средба со Путин
Познатиот рапер Кање Вест наскоро ќе отпатува за Русија, каде што ќе настапи, ќе се сретне со рускиот претседател Владимир Путин и ќе постигне деловни договори со тамошни магнати. Оваа вест можеби и не е толку изненадувачка, ако се земе предвид тоа дека тој своевремено се нарекуваше „млад Путин“.
Вест ќе пристигне во Москва подоцна оваа година, каде што ќе ги одржи своите први настапи во овој град, а има намера да постигне деловни договори со тајкунот Арас Агаларов и неговиот син, музичарот Емин. Советникот на рускиот рапер – Амир Судан тврди дека тоа ќе му помогне на Емин да го изгради својот меѓународен углед, а договорите на Агаларов, наводно, се очекува да му донесат милијарди.
Агаларов е познат по инвестирањето во странство, а и по тоа што постигна договор со поранешниот американски претседател Доналд Трамп за одржување на Мис Универзум во 2013 година во Москва. Тие разговараа и за проектот за развој на „кула Трамп“ во Москва, но тоа не се оствари. Внимание привлекува и планот на Вест да се сретне со Путин. Рускиот претседател не е љубител на рапот, но ќе има и други заеднички теми со раперот, особено околу религијата, како што се наведува.
Ново на Сител
-
Орбан: Унгарија нема да стане украинска колонија, Зеленски не командува тука
-
18-годишник од тетовско најпрво истепал соселанец, а потоа го удрил со автомобил
-
ПМФЛ: Вардар со гол во судиското надополнување ја совлада Брера
-
Сиљановска-Давкова: Можеме и мораме да направиме се што е во наша моќ ваквите трагедии никогаш повеќе да не ни се повторат
-
18-годишен мотоциклист загина во сообраќајна несреќа во Чаир
-
Работник починал по пад од висина во Скопје
-
Македонските институции и македонскиот здравствен систем соодветно се справи со трагедијата во Кочани
-
Томовски: По трагедијата во Кочани, како институции имавме должност да реагираме брзо, одговорно и солидарно
