Канаваро назначен за нов тренер на Динамо Загреб

Поранешниот дефанзивец на италијанската фудбалска репрезентација Фабио Канаваро е назначен за нов тренер на Динамо Загреб, соопшти хрватскиот клуб.

„Неговата харизма, шампионското педигре и жедта за успех го прават идеален кандидат. Канаваро го знае тимот, лигата и предизвиците што претстојат“, се вели во соопштението на Динамо.

Канаваро, кој претходно оваа година кратко време го предводеше Удинезе, седнува на клупата на хрватскиот шампион по оставката што му беше врачена на Ненад Бјелица.

Како што е соопштено, Канаваро ќе дебитира на новата должност на 22 јануари кога Динамо ќе му гостува на лондонски Арсенал во Лигата на шампиони.