Канадскиот премиер во посета на САД
Канадскиот премиер Џастин Трудо престојува во Вашингтон, во прва официјална посета на еден канадски премиер на САД по безмалку 20 години.
Во текот на престојот, Трудо денеска ќе се сретне со американскиот претседател Барак Обама, при што како главни теми на разговорите се посочуваат трговските врски и заштитата на животната средина.
Посетата доаѓа по обновените политички врски меѓе двете соседни земји, кои беа „заладени“ изминатите години во време кога премиер на Канада беше конзервативецот Стивен Харпер.
Обама ја обнови поканата до Трудо за официјална посета на САД, веднаш откако младиот канадски либерален политичар беше избран за нов премиер, по изборите во октомври 2015 година, на кои беше прекинато деветгодишното управување на конзервативците.
Односите меѓу САД и Канада се заладија, откако американската Администрација одлучи да се откаже од гигантскиот проект за изградба на нафтовод што требаше да ги поврзе канадската провинција Алберта со америкнскиот брег во Мексиканскиот Залив.
Официјален Вашингтон сега вели дека проблемите поврзани со климатските промени се поважни од разликите што постојат околу нафтоводот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово