Канада го прекина учеството во воздушните напади врз ИД во Ирак и Сирија

Канадскиот премиер Џастин Трудо објави денеска дека неговата земја ќе ги повлече шесте авиони, што учествуваат во воздушните напади над Ирак и Сирија, со што ќе заврши канадското борбено учество во борбата против Исламска држава.

Официјално канадската боева воздушна мисија ќе заврши на 22 февруари. Отава, меѓутоа, ќе остави во регионот два разузнавачки авиони.

Канадат тројно ќе го зголеми и бројот на воените инструктори, кои ги обучуваат курдските војници во Северен Ирак. Во моментот канадските инструктори се 70, а ќе достигнат 200 според Владата.