Кампања „Топол дом без пожари“ во Општина Илинден

Во соработка со Противпожарниот сојуз на градот Скопје, Општинскиот противпожарен сојуз „Илинден“ во сите 12 населени места на Општина Илинден ја почна кампањата „Топол дом без пожари“.

Членовите на секцијата „Млади пожарникари“ од основните училишта, на граѓаните во Општината им делеа флаери со совети за тоа како треба да се однесуваат за време на грејната сезона за да не дојде до појава на пожари.

Во рамките на кампањата младите пожарникари посетија и повеќе домаќинства при што во директен контакт со граѓаните укажаа на опасностите што демнат при несоодветната употреба на енергенсите што се користат за греење. Притоа, тие делеа и совети за тоа што треба најнапред да се направи доколку дојде до било какви несакани случувања.