Кадетките на Македонија поразени од Словачка на ЕП

Женската кадетска ракометна репрезентација на Македонија (ракометарки до 17 години) го претрпе и вториот пораз на Европското првенство во Црна Гора. Македонија денеска загуби од Словачка со 21:34. По вториот пораз Македонија ќе разигрува за пласман.

Македонскиот тим единственото водство го имаше од 1:0, а противничките потоа направија серија од 4:0. Во финишот на првиот дел Словачка поведе и со 14:6, а со два гола Македонија го намали водството.

Во второто полувреме по 22:16 противникот направи серија од 12:3 за највисоки 34:19.

Марија Димоска и Таида Беровиќ кај Македонија со по 5 голови беа најефикасни на нашиот тим.

Утре на шампионатот е слободен ден, а во третото коло од групата Македонија ќе игра против Португалија. Почетокот на дуелот е во 19:30 часот.

МИА