Јужнокорејскиот претседател бара помош за економијата на државата поради епидемијата на новиот коронавирус

Претседателот на Јужна Кореја Мун џае-ин денеска изјави дека Владата треба да вложи напори да ја зајакне економијата што е под притисок од епидемијата на новиот коронавирус.

– Владата не треба да расправа за тоа дали нешто е без преседан или не, туку треба сите мерки за кои можеме да размислиме да ги ставиме на маса за да ги искористиме, рече Мун на состанокот на кабинетот.

Мун додаде дека економијата е во вонредна состојба и има потреба од поттик за зајакнување на домашната побарувачка. Во 2015 година, Јужна Кореја подготви дополнителен буџет за да и помогне на економијата да се бори против последицитеод појавата на респираторниот синдром на Блискиот исток (МЕРС).