Јужна Кореја објави дека Северна Кореја разнела делови од патот што ги поврзува двете корејски држави
Јужна Кореја објави дека Северна Кореја уништила делови од пат што ги поврзува двете држави на нејзина територија. Тоа доаѓа во време на ескалација на тензиите меѓу Пјонгјанг и Сеул поради тврдењата на Северот дека Југот испратил беспилотни летала над севернокорејската престолнина.
Началникот на здружениот генералштаб на Јужна Кореја рече дека Југот ја зголемува својата подготвеност за можни акции и ја следи ситуацијата, но не даде детали.
Уништувањето со експлозиви на севернокорејскиот дел од заедничкиот пат уследи по денот кога севернокорејскиот лидер Ким Џонг-ун закажа средба со највисоките севернокорејски воени и безбедносни претставници. За време на средбата Ким изјави дека летот на јужнокорејски дронови над Пјонгјанг е сериозна непријателска провокација. Тој, исто така, додели неодредени задачи поврзани со итна воена акција и воена операција за одвраќање против непријателот за заштита на суверенитетот на Северна Кореја, соопшти севернокорејската државна новинска агенција.
Претходно, Северна Кореја ја постави својата артилерија по должината на демаркационата линија подготвена да го нападне Југот. Во готовност за акција беа ставени и други армиски единици. Јужна Кореја одби да потврди дали испратила беспилотни летала над Северот, но предупреди дека ќе ја казни Северна Кореја доколку безбедноста на јужнокорејските граѓани на кој било начин биде загрозена од неа.
Уништувањето на севернокорејскиот дел од заедничкиот пат е дел од напорите на севернокорејскиот лидер да ги прекине врските со Југот и да се откаже од децениската цел за повторно обединување на Корејскиот полуостров.
Ново на Сител
-
Кривична за 49-годишник поради сомнение за кражба на електрична енергија
-
Маж и жена од Скопје меѓусебно се пријавиле за насилство
-
Тетовчанец измамен за 750 евра
-
Пентагон: Во Израел почнаа да пристигнуваат компоненти за напредниот американски противракетен систем
-
Фон дер Лајен: Илегалните имигранти да се депортираат во центри надвор од ЕУ
-
Сиљановска Давкова: Жените од руралните средини се хероините на кои треба да им се восхитуваме
-
Бербок: Берлин е за укинување на едногласноста во ЕУ, но додека тоа не се случи, Скопје мора да ги почитува компромисите
-
Финансиската полиција со кривична пријава против едно лице до ОЈО Радовиш за несовесно работење во службата