Јуни потопол и повлажен во споредба со многугодишните просечни вредности
УХМР соопшти дека согласно мерењата и набљудувањата на метеоролошките станици во земјава, јуни 2022 година се карактеризира како потопол од вообичаено и влажен месец во споредба со многугодишните просечни вредности.
Апсолутното температурно колебање беше 32 степена, додека месечното температурно колебање изнесуваше 10,2 степена и се движеше од 16 во Лазарополе до 26,2 во Гевгелија. Споредено со просечните јунски средно месечни температури, за триесетгодишен период (1981-2010), овогодинешната температура беше надпросечна за 1,7 степени на ниво на државата.
Средната максимална температура варираше од 21,3 степени во Лазарополе до 31,5 во Гевгелија. Највисоката максимална температура беше измерена на 23 јуни во Гевгелија и изнесуваше 37,7 степени. Средната минимална температура варираше од 8,8 во Лазарополе до 17,9 во Гевгелија. Најниската минимална температура во текот на месецот беше измерена во Лазарополе, на 19 јуни и изнесуваше 5,8 степени, наведува УХМР.
Според Управата, колебањето на месечната сума на врнежи во државата изнесуваше 100 милиметри и се движеше од 23,7 во Гевгелија до 123,1 милиметар во Маврово. Максималното дневно количество на врнежи од 90,3 милиметри беше регистрирано на 11 јуни во Маврово.
Споредено со јунската просечна вредност за многугодишен период (1981-2010), измерената месечна сума на врнежи беше 14 милиметри или 29 отсто над просечната на ниво на држава.
Ново на Сител
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот
-
76-годишник почина откако се превртел со трактор
-
Иранска армија: Хеликоптерот на Раиси не бил нападнат, се запалил по падот