Јотовски по маратонски меч остана без полуфинале во Брчко

Најдобриот македонски тенисер Томислав Јотовски во маратонски меч во 1/4 финалето на фјучрсот во Брчко загуби од Дејан Катиќ (Србија) со 2-1 (4:6; 6:4; 7:6 (7:5)) во сетови. Мечот траеше 3 часа и 2 минути.

Нашиот тенсиер го доби првиот сет со 6:4 во гемови и имаше водство од 1-0 во сетови, а имаше предност од брејк на почетокот на вториот сет кога водеше со 2:0 и 3:1 во гемови. Во тие моменто Катиќ направи пресврт и го доби сетот за 6:4 и се избори за решавачки.

Во третиот сет Катиќ прв натправи брејк и поведе со 4:2, но Јотовски брзо се врати и изедначи на 4:4. До крајот немаше брејк и решаваше тај-брекот. Катиќ поведе со 5-0 и 6-1, а Јотовски успеа да спаси четири меч топки, но немаше можност за комплетен пресврт. Со тоа Катиќ доби уште еден меч против Јотовски.

Дека мечот беше изедначен покажуваат и бројките:

поени: 113:112 за Катиќ

брејк топки: 5/9 Јотовски ; 5/15 Катиќ.

Катиќ предноста во мечот ја имаше во сервисот (7:1 ас; 0:5 двојни грешки).

Јотовски ќе запише два поена, но не успеа да го повтори резултатот од лани кога на фјучрсот во Брчко играше во финалето.