Јотовски елиминиран во 2.коло на фјучрсот во Анталија

Македонскиот тенисер Томислав Јотовски не успеа да се пласира во четвртфиналето на фјучрсот во Анталија откако со пресврт поуспешен од него беше Шпанецот Карлос Табернер.

Јотовски го доби првиот сет со 6:3 во гемови, а имаше и водство од 4:1 во вториот сет, но не успеа да стигне до посакуваната победа. Вториот и третиот сет Табернер ги доби со 6:4 во гемови.

Во текот на мечот и двајцата тенисери имаа по седум брејка, Јотовски од 20 можности, а Табернер од 17.

Во вкупниот број поени Табернер беше подобар 105:102. Мечот траеше 3 часа и 38 минути.

Јотовски продолжува со настапот во конкуренција на двојки заедно со Давиде Галопини од Италија ќе играат утре вторите носители Маркус Ерискон (Шведска) и Иван Гахов (Русија).

Јотовски од следната недела ќе настапува на уште еден фјучрс во Анталија.