Јоханис: Романија нема да распоредува војници во Украина
Романија нема да распореди свои војници во Украина, изјави романскиот претседател Клаус Јоханис.
Тој во разговор со новинарите рече дека смета оти дискусијата за тоа е завршена.
Романскиот претседател одби да ја коментира можноста Романија да испорача на Украина системи за воздушна одбрана Патриот. – Не коментирам за ова прашање и мислам дека не треба јавно да се разговара за тоа, рече тој. – За ова прашање треба да се разговара со воени експерти, потоа да се донесе одлука во Врховниот совет за национална одбрана и потоа резултатот ќе биде објавен. Мислам дека не е препорачливо да се има проширена јавна дискусија за ова многу специфично прашање, објасни Јоханис.
Одговарајќи на прашањето дали постои директна закана за безбедноста на Романија, претседателот рече дека нема, но дека вооружените сили се подготвени за сите можни сценарија.
Новинарските прашања произлегуваат од изјавата на францускиот претседател Емануел Макрон дадена по конференцијата за Украина во Париз на 26 февруари, кој рече дека земјите-членки размислуваат да испратат копнени трупи во Украина. Иако не беше постигнат консензус на оваа тема, тој ја остави отворена можноста за вакво сценарио. По конференцијата, повеќето земји-учеснички изјавија дека не планираат да испратат војници во Украина за да се борат против Русија.
Ново на Сител
-
Таравари денеска ќе потпише решенија за разрешување на економски директори во Клиничкиот центар
-
Зоран Љутков ја презеде функцијата министер за култура, најавува макотрпна работа и инвестиции
-
Претседателот на Уставниот суд во МВР пријави закани по животот и безбедноста врз уставни судии
-
Од 1 јули Грција воведува 6-дневна работна недела!
-
Јаневска ја презеде функцијата министер за образование и наука, најавува промени креирани врз база на темелна анализа
-
Златко Перински ја презеде функцијата министер за локална самоуправа
-
Прегазен 80 годишен пензионер во Битола
-
На „Табановце“ за влез во земјава се чека до 30 минути