Јермак: Украина се уште не е подготвена за преговори со Русија за завршување на војната

Украина се уште не е подготвена за преговори со Русија за ставање крај на војната, поради недостигот на оружје и јасни гаранции дека рускиот претседател Владимир Путин нема повторно да нападне за „две до три години“, изјави шефот на кабинет на украинскиот претседател Андриј Јермак.

-Затоа денес разговараме со нашите партнери зошто е толку важно да се зајакне Украина. Генерално, треба да го скршиме рускиот наратив дека Украина сака војна, посочи Јермак во интервју за Суспилне.

Тој наведе дека Украина не сака конфликт и „на ниту еден начин не ја испровоцира Русија“.

-Русија не дојде овде да заштити никого, бидејќи не е во состојба да ја заштити ниту својата територија, рече Јермак. Според него, важно е рускиот претседател да продолжи со агресијата врз Украина.

-Значи, за да се отпочнат преговорите, Украина мора да биде силна и тогаш ќе може да разговара со Руската Федерација под еднакви услови.

Затоа што сè што моментално доаѓа од Кремљ е јазик на ултиматуми, рече Јермак.