Јапонија подготвува дигитални сертификати за вакцинација

Јапонија ќе започне да издава дигитални сертификати за граѓаните кои се вакцинирани против коронавирусот, откако тоа го најавија Кина, Европската Унија (ЕУ) и други земји кои прифатиле ковид пасоши како средство за враќање кон слободно патување, пренесува порталот Никеи Азија.

Според порталот, сертификатите ќе можат да се користат преку мобилни апликации и ќе бидат во согласност со меѓународните стандарди, така што патниците ќе можат да достават доказ за вакцинација при качување во авион или пријавување во хотел.

Јапонската Влада разгледува можност сертификатите да ги додаде на апликацијата што ќе биде претставена следниот месец, која содржи потврда за негативен тест за коронавирусот.