Извозот на Хрватска лани изнесуваше 23,9 милијарди евра, 30,3 отсто повеќе од годината претходно
Вредноста на хрватскиот извоз на стоки минатата година изнесуваше 23,9 милијарди евра, што е за 30,3 отсто повеќе во споредба со 2021 година, додека увозот е зголемен за 46,4 отсто, на 41,6 милијарди евра, покажуваат денеска објавените податоци на Државниот завод за статистика.
Посилниот раст на увозот од извозот се одрази и на надворешно-трговскиот дефицит, кој од 10 милијарди евра во 2021 година се искачи на 17,6 милијарди евра лани. Според овие податоци, минатата година хрватските компании извезле стока во вредност од 16,4 милијарди евра во земјите членки на ЕУ или за 31,6 отсто повеќе од 2021 година.
Истовремено, вредноста на увезената стока од земјите членки на ЕУ е зголемена за 34,6 отсто, на 29,3 милијарди евра.Извозот во земјите кои не се членки на ЕУ се зголеми за 27,4 отсто, на 7,5 милијарди евра, додека во исто време има силен скок на увозот на стоки од земјите што не се членки на ЕУ, за 84,9 отсто, на 12,3 милијарди евра.
Ново на Сител
-
Мицкоски: Разрешувањето на Коцевски ќе продолжи во ноември
-
Комплетно реновирани операциони сали на Клиниката за уво, нос и грло
-
Преглед на вестите од светот
-
Втора седница на Советот за безбедност во вила „Водно“
-
Нова опрема на Клиниката за уво, нос и грло
-
Владата субвенционира идни пилоти
-
СДСМ бара да не се потпише указот за Законот за полиција
-
Бројни концерти во шпицот на сезоната