Израелски ракетен напад врз воена позиција во Сирија, Дамаск возврати
Израелски воено воздухопловни сили нападнаа денеска една од воените бази во централниот дел на Сирија, изјави извор од сириската воена команда.
Според агенцијата САНА, Израел „извршил нов акт на агресија против Сирија“.
Сириската противвоздушна одбрана одговорила на нов израелски напад во близина на главниот град Дамаск по претходниот удар во централниот дел на земјата, објави сириската државна телевизија.
Според медиумот, денеска биле слушнати експлозии во провинцијата Риф Дамаск, во близина на главниот сириски град.
Израелската армија соопшти дека извршила силен напад врз противвоздушни системи и ирански цели во Сирија. Нападнати биле 12 позиции, вклучувајќи три батерии на противвоздушната одбрана и четири ирански објекти во Сирија. Армијата соопштува и дека сирени за воздушна тревога се слушаат од Голанската Висорамнина, но не се откриваат повеќе детали за ситуацијата.
Сириските безбедносни сили тврдат дека поразиле неколку авиони на противникот.
Тројца припадници на провладините сириски сили се убиени во израелскиот напад врз воздушната база во Сирија. Бил уништен магацин за оружје и воен автомобил во провинцијата Хомс.
Израелскиот премиер Бенјамин Нетанјаху веднаш спроведе безбедносни консултации поради ситуацијата на границата со Сирија. Членовите на израелскиот Совет за безбедност добиваат информации за деталите околу случувањата.
Аеродромот во Тел Авив е времено затворен поради инцидент со ирански дрон, кој бил пуштен од Сирија.
Ново на Сител
-
Градоначалиникот на Кочани Љупчо Папазов поднесе оставка
-
Специјални екипи на МЗ ќе информираат за состојбата на пациентите од пожарот кои се на лекување во странство
-
Во Бугарија утре Ден на жалост во знак на солидарност со Северна Македонија
-
Cтанков: Интензивно работиме на обдукција на загинатите во пожарот во Кочани
-
Засега 12 пациенти префрлени во Белград, изгорениците им покриваат и до 28% од кожата | ВИДЕО
-
Таравари: Пациенти кои вчера не се пријавиле се пријавуваат денес во болница
-
Уште двајца спортисти жртви во пожарот во Кочани
-
Во трагедијата во Кочани животот го загуби и младиот кошаркар Петар Ивановски