Изложба на Глигор Чемерски во Белград
Во Српската Академија на Науките и Уметностите во Белград денеска ќе биде отворена изложбата „Случувања и знаци на земајта македонска“ на Глигор Чемерски.
Глигор Чемерски го заврши својот богат и раскошен опус, повлекувајќи ги последните потези на делото за светиот воин со блескаво златен штит врз темнозелената заднина, но неговата творечка авантура и делата на овој голем сликар секогаш ќе зборуваат за неговиот поттикнувачки немир и за неговата бујна имагинација.
Со углед на класик и со репутација на македонски, но и париски сликар, Чемерски ревносно и со огромно количество страст му го отстапи својот живот на сликарството.
Како едно од водечките сликарски имиња во Југоисточна Европа, тој го стави својот личен влог, сиот свој талент и фанатична определба за создавање дела со јасен личен печат, покажувајќи го својот персоналитет и силната индивидуа, својот пат и своите пораки.
Изложбата на репрезентативната колекција на дела од различни периоди од творештвото на овој слоевит творец ќе биде отворена во салонот на Српската академија на науките и уметностите, на 18 мај во Белград, и ќе трае до 19 јуни.
Поздравен говор ќе одржат академикот Владимир С. Костиќ, претседател на САНУ, и академикот Влада Урошевиќ, а на отворањето на изложбата ќе присуствуваат и академикот Луан Старова, потпретседател на САНУ, и министерката за култура Елизабета Канческа-Милевска.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО