Изгледаат како куќички за кукли всушност кријат морбидна тајна

Во градот Елктун на Алјаска можете да наидете на несекојдневна глетка: парк прекриен со куќички за кукли во јаки бои. Барем делуваат како куќи за кукли...

Сепак ако подобро погледнете ќе сфатите дека овие куќички дефинитивно не се за деца. Што всушност се крие под овие шарени градби ќе ве шокира.

Над 100 шарени минијатурни куќи кои стојат една покрај друга во овој мал град се наоѓаат во дворот на православната црква Свети Никола.

Можеби делуваат како играчки, а всушност се необични обележја за гробови и се нарекуваат „куќи на духови“.

Според единствената традиција на оваа црква, телото на починатото лице прво се погребува со ќебе за да им се помогне на душите при преминот во светот на духовите.

40 дена подоцна, блиските лица и семејството ги ставаат овие куќички преку ќебето, фарбајќи ги потоа во бои кои ја претставуваат историјата на семејството.

Овој необичен ритуал е резултат на две култури кои со тек на времето со соединиле. Земјата околу овој град прво ја населиле Атабаскан Индијанците, но подоцна тие потпаднале под влијание на руските мисионери околу 1800 година кога е соѕидана и црквата Свети Никола.

Како што налага Атабаскан традицијата: се што е земено од земјата мора да биде вратено, па куќичките се оставени за да се распаднат со тек на време и да се апсорбираат во земјата.