Избркан гостин во ресторан во Лос Анџелес влегол со питон долг четири метри
Еден маж бил исфрлен од јапонски ресторан во Лос Анџелес затоа што на госите сакал да им покаже мала змија, но потоа налутен се вратил и со себе носел питон долг четири метри.
По ручекот, во средина на салата тој извадил мала змија, заради што гостите и вработените почнале да негодуваат и го замолиле да го напушти ресторанот, што тој и го сторил. Но, малку подоцна тој се вратил во ресторанот и се појавил со змија долга четири метри, изјави потпаролот на полицијата на Лос Анџелес, (ЛАПД) .
Локалните телевизиски мрежи изјавија дека станува збор за питон, покажувајќи ја снимката на белиот рептил во рацете на сопственикот, кој на децата им дозволил да го милуваат, покрај ужаснатите погледи и викотници на престрашените гости.
Полицијата, пожарникарите и службата за фаќање диви животни биле повикани на помош да го фатат питонот, кој се сокрил зад благајната.
-Осомничениот е уапсен за загрозување на човечките животи и одредена му е казна од 50.000 долари, истакна потпаролот.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп