Избор ирска поезија во новиот број на списанието АКТ

Избор од современата ирска поезија, како и препеви од современи романски поетеси се меѓу содржините кои ги нуди новиот 59-ти број на списанието за култура и уметност АКТ кое излезе од печат деновиве.

Читателите ќе имаат можност да прочитаат и избор поезија од афирмирани домашни автори и автори од помладата генерација, како и препеви на стихотворенија од реномирани поети од регионот.

На страниците на новиот АКТ се и освртот на Димитар Пандилов за најновата збирка песни на Славе Ѓорго Димовски „Јазичен триптихон“ во издание на „ПВН публикации“, (2016), насловен „Парадоксот на меѓувремето - јазично меѓувреме - јазичен парадокс“. Поетсетата и критичарка Кристина Николовска, пак, е автор на освртот „„Ехо на довици“ посветен на поетската збирка „Посланија и риданија“ на Кочо Топузовски објавена од „Дијалог“ (2016).