Изаири на министерски состанок во Луксембург

Министерот за животна средина и просторно планирање Нурхан Изаири денеска и утре ќе учествува на неформалниот состанок на министрите за животна средина на ЕУ во Луксембург.

На состанокот се поканети ресорните министри од земјите членки на Европската агенција за животна средина и Европската асоцијација за слободна трговија, министрите од државите кандидати за членки на ЕУ, комесарите Мигел Ариес Канете и  Кармену Вела, како и претседателот на Европскиот парламентарен комитет за животна средина, јавно здравје и безбедност на храната, Џовани Ла Виа, претставници од Европското биро за животна средина и други меѓународни институции. 

Изаири учествува на состанокот на покана на министерот за животна средина на Луксембург Карол Дишбург.