Италијанскиот суд ќе донесе пресуда против вицепремиерот Салвини за блокирање брод со мигранти во 2019 година
Италијанскиот крајнодесничарски вицепремиер Матео Салвини денеска би можел да биде осуден на шест години затвор за неговата одлука во август 2019 година да блокираат впловување на спасувачки брод со мигранти, јави ДПА.
Обвинителот го обвинува Салвини, кој во тоа време беше министер за внатрешни работи, за неизвршување на должноста затоа што не им дозволил на мигрантите да се симнат од бродот „Опен Армс“ (Open Arms) на италијанскиот брег.
Бродот „Опен Армс“ со околу 160 мигранти од Африка кои го преминаа Медитеранот во обид да стигнат до Европската унија, беше принуден да остане на море три недели пред конечно да му биде дозволено да се закотви на италијанскиот остров Лампедуза.
Пред повеќе од три години, во главниот град на Сицилија, Палермо, почна судски процес против Салвини. Обвинителите за него побараа шестгодишна казна. Салвини тврди дека е политички прогонуван.
Дури и да биде осуден, Салвини (51) јасно стави до знаење дека има намера да остане на функцијата. Пресудата нема да биде правосилна.
Салвини е лидер на десничарската партија Лига и е еден од централните фигури во коалицијата на премиерката Џорџа Мелони.
Ново на Сител
-
Маринците пристигнаа во Лос Анџелес, но сè уште немаат наредба да интервенираат
-
Бројот на жртвите од масакрот во Грац се искачи на 11
-
Црвениот тепих од Канскиот фестивал се продава по едно евро за килограм
-
Витаминот Д може да спречи 30.000 смртни случаи од рак годишно, покажуваат истражувања
-
Тежина, звук и дамка: Клуч за избор на совршена лубеница
-
ЈСП Скопје: Средношколците имаат право на бесплатен јавен превоз за време на летниот распуст
-
Кривична против 29 годишник, при претрес пронајдени се автоматска пушка, пиштол и 1.167 куршуми | ФОТО
-
Случај „Крмзов“: 23 физички и 15 правни лица се гонети од Обвинителството за штета од околу 90 милиони евра