Истрага за измама против „Тесла“ и Илон Маск
Американската Комисија за хартии од вредност (СЕЦ) соопшти дека отпочнала истрага против автомобилската компанија „Тесла“ и нејзиниот директор Илон Маск поради измама.
Истрагата е заснована на неговата Твитер порака во која најави дека ќе понуди акции на „Тесла“ по цена од 420 долари. Пораката на Маск предизвика драматични подеми и падови на вредноста на акциите на „Тесла“, поради што СЕЦ отпочна истрага.
Дополнителен елемент во истрагата е најавената вредност на акциите.
- Сметаме дека Маск дошол до сумата 420 долари за акција така што додал 20 проценти од очекуваната вредност на акциите на „Тесла“, а потоа ја заокружил бројката на 420 долари, поради значењето што оваа бројка го има меѓу корисниците на марихуана, како и поради тоа што мислел дека неговата девојка тоа ќе го сфати како добра шега, обвини Стивен Пејкин, висок службеник на СЕЦ.
Бројката 420 се смета за меѓународен симбол на марихуаната, а денот на марихуаната е 20 април.
Маск е во врска со канадската пејачка Клер Бучер попозната како Грајмс, која неодамна, за време на интервју, запали џоинт со марихуана.
Соопштението дека „Тесла“ е под истрага на СЕЦ предизвика пад на вредноста на акциите на компанијата која, и без тоа, имаше сериозни проблеми да ги реализира порачките за нови автомобили.
Компанијата соопшти дека има целосна доверба во Маск
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје