Исчезна лекарот од Сибир кој го лекуваше Навални
Исчезна сибирскиот лекар кој го лекуваше критичарот на Кремљ Алексеј Навални откако минатата година се разболе за време на авионски лет во Русија, соопшти руската полиција.
Полицијата во регионот Омск, на околу 2.200 километри источно од Москва, информираше дека лекарот Александар Мураховски во петокот ја напуштил ловната база во шума со теренско возило и оттогаш не е виден.
На потрагата се приклучија и служби за итни случаи, беспилотни летала, хеликоптер и волонтери на терен.
Мураховски е главен лекар во болницата во Омск, Сибир, каде се лекуваше Навални, најгласниот критичар на претседателот Владимир Путин. Мураховски подоцна беше унапреден во регионален министер за здравство. По напнатите преговори со властите, Навални беше префрлен на лекување од Омск во Германија, потсетува Хина.
Лабораториските тестови во три европски земји, потврдени од глобалниот орган за надзор на хемиско оружје, открија дека Навални бил отруен од нервен агенс Новичок.
Кремљ постојано ги негираше обвинувањата дека руските власти се обиделе да го убијат Навални.
Рускиот опозиционер е во затвор од февруари и тврди дека е таму поради измислени обвинувања.
Ново на Сител
-
ФБИ: ДНК пронајдена на местото на убиството на Кирк му припаѓа на осомничениот Робертсон
-
Со нетрпение чекам да ја поднесат резолуцијата за црвените линии со Бугарија, ќе имаме наши позиции, вели Мицкоски
-
Мицкоски: Експертите ни говореа дека најмалку 7 дена ќе се гасне пожарот во Трубарево, ние го изгасивме за помалку од 30 часа
-
Со одлука на министерот Изет Меџити се затвора нестандардната депонија за отпад во Никуштак
-
Гиновска: Има надминување на дозволените вредности на гасовите во воздухот од пожарот во Трубарево, а за присуството на тешки метали ќе се знае во петок
-
ИЈЗ: Нема отстапки во вредностите за радијација во воздухот и почвата по пожарот во Трубарево, ниту тешки метали во водите
-
Двојно убиство и самоубиство попладнево во Велес
-
Победа на Андријано Димишковски во осминафиналето денес