Иранскиот претседател ги осуди нападите врз саудиските дипломатски претставништва

Иранскиот претседател Хасан Рохани изјави дека на ниту еден начин не може да бидат оправдани синоќешните напади врз Амбасадата на Саудиска Арабија во Техеран и на саудискиот Конзулат во Машхад.

- Дејствијата на група екстремисти синоќа во Техеран и Машхад против Амбасадата и Конзулатот на Саудиска Арабија, кои правно и верски треба да бидат под заштита на Исламската република е целосно недозволиво, истакна Рохани.

Тој истовремено ја осуди и егзекуцијата на саудискиот шиитски духовен лидер Нимр ал Нимр, што беше причина за насилството.