Ирачките сили ја ослободија историската џамија во Мосул од каде ИД прогласи калифат

Ирачките владини сили презедоа контрола врз џамијата Ал Нури во Мосул од каде пред три години ИД прогласи свој „калифат“, соопшти ирачката армија.

Ослободувањето на џамијата Ал Нури е симболично важна победа на ирачките војски кои повеќе од осум месеци водат борби за преземање на Мосул. Тој град беше де факто главен град на ИД во Ирак. Пред една недела екстремистите ја урнаа средновековната џамија каде се вееше знаме на ИД од јуни 2014 година.