ИОМ: Рекорден број бегалци пристигнале во Грција од почетокот на годината

На брегот на Грција пристигнале речиси 32.000 бегалци – дваесет пати повеќе од почетокот на јануари 2016 година отколку во целиот јануари во минатата година, соопшти Меѓународната организација за миграција (ИОМ).

Од почетокот на годината според ИОМ, во Грција влегле 31.244 мигранти и бегалци по морски пат во споредба со само 1.472 бегалци во тој период лани.

– Ако тој тренд продолжи, сигурно ќе имаме рекорден број бегалци, изјави Италиј Вирири портпарол на ИОМ. Во 2015 година повеќе од милион мигранти и бегалци преминале преку Средоземното Море во Европа, речиси половина од нив од Сирија.