Инзаги: Интер по секоја цена сакаше финале во Купот на Италија

Тренерот на Интер, Симоне Инзаги ја истакна големата желбата на неговиот тим да игра во финалето на Купот на Италија. „Нероазурите“ синоќа во полуфиналето го совладаа Јувентус со 1:0 и со вкупни 2:1 одат во завршницата.

-Прекрасна вечер, двата тима одиграа интензивно од првата до последната минута. Очигледно мојот тим по два натпревара заслужи да се пласира во финалето. Многу сме задоволни бидејќи по секоја цена сакавме да се вратиме во Рим. Не отстапивме ниту сантиметар од нашата цел. Имавме и офанзивни и дефанзивни периоди. На крај имам добри впечатоци од натпреварот, изјави Инзаги.

Во финалето на Копа Италија, Интер ќе се соочи со поуспешниот од пресметката Фиорентина – Кремонезе (2:0 прв натпревар).