Индустриското производство во септември зголемено за 0,3 отсто
Индустриското производство во септември годинава, споредено со септември лани, е зголемено за 0,3 проценти, а во периодот јануари-септември годинава во однос на истиот период лани е намалено за 0,1 процент, објави денеска Државниот завод за статистика.
Гледано по сектори, индустриското производство во секторот „рударство и вадење камен“ во септември годинава во однос на септември минатата година бележи опаѓање од 2,6 проценти, а пораст од 0,4 проценти во „преработувачката индустрија“ и од 0,1 процент во секторот „снабдување со електрична енергија, гас, пареа и климатизација“.
Зголемувањето во секторот „преработувачка индустрија“ е резултат, пред сѐ, на зголеменото производство во одделите за производство на тутунски производи, на текстил, на други неметални минерални производи, на електрична опрема и на машини и уреди, неспомeнати на друго место.
Според главните индустриски групи, производството во септември годинава, во однос на септември лани бележи пораст кај „енергија“ за 3,6 проценти и „капитални производи“ за 8,1 процент, а опаѓање кај „интермедијарни производи, освен енергија“ за 2,1 процент, „трајни производи за широка потрошувачка“ за 0,1 процент и „нетрајни производи за широка потрошувачка“ за 3,2 процента.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка