Индонезија домаќин на нова рунда израелско-палестински преговори

Во главниот град на Индонезија, Џакарта на 15 и 16 декември ќе се оддржи нова рунда израелско-палестински преговори.

Средбата, што ќе биде под покровителство на ОН, ќе биде посветена на решавање на проблемот на разграничувањето, положбата на палестинските бегалци, статусот на новите еврејски доселенички населби на Западниот Брег и внатрешната сигурност на палестинските територии.

Генералниот директор на индонезиското Министертсво за надворешни работи Хасан Клеиб денеска соопшти дека документите што би биле усвоени на овие разговори ќе бидат проследени до ОН.

Хасан смета дека и досегашните содржини на документите, иако не се дефинитивни, влеваат надеж за поголем бапредок во решавањето на израелско-палестинскиот спор.

Индонезија во рамките на Движењето на неврзаните и во ОН ја предводи поголемата група држави кои посредуваат во решавањето на споровите меѓу Израел и Палестинците.

Џакарта како успех на својата меѓународна политика и докажување на нејзината улога како меѓунаоден посредник, денеска потстети дека по заслуга на групата држави на чие чело е таа, пред зградата на Обединетите Нации од септември годинава „се вее и знамето на Палестина“.