Инцидент во скопско село - мештаните вознемирени и испаничени

Пукање во скопското село Љубин, мештаните вознемирени поради инцидентот. Како што стои во соопштението на МВР,  вчера околу 01,30 часот во село Љубин, скопско, непознато лице со патничко возило „Јагуар“ без регистарски ознаки, од пиштол испукалo неколку куршуми во правец на куќата на М.С.(63) од село Љубин. Повредени лица нема. Извршен е увид на местото на настанот, при што биле пронајдени четири чаури, а од страна на полициски службеници, наведеното возило било пронајдено кај автоперална во село Љубин. Се преземаат мерки за расчистување на случајот.