Именувани замениците-министри во техничката Влада
Собранието попладнево, во рамки на 129. седница, со 97 гласови „за“ и ниту еден против, ги изгласа замениците и дополнителните заменици-министри во техничката Влада.
Славјанка Петровска за внатрешни работи, Санела Шкријејљ за труд и социјална политика, Цветан Трипуновски за земјоделство, Гордана Димитриеска Кочоска за финансии и Невенка Стаменковска Стојановски за информатичко општство, се дополнителните заменици-министри.
Во ресорите остануваат досегашните заменици-министри кои на собраниската седница беа исто така именувани: Беким Максути за одбрана, Агим Нухиу за внатрешни работи, Оливер Ристовски за правда, Неџад Мехмедовиќ за политички систем и односи меѓу заедниците, Андреј Жерновски за надворешни работи, Ширет Елези за финансии, Благе Цветковиќ за МЗШВ, Арменд Арслани за здравство, Елизабета Наумовска за образование и наука, Ѓонул Бајрактар за труд и социјална политика, Дејан Павлески за локална самоуправа, Владимир Лазовски за култура, Александар Бајдевски за информатичко општество и администрација, Садик Беќири за транспорт и врски и Јани Макрадули за животна средина и просторно планирање.
Имињата на предложените заменици и дополнителни заменици – министри пред гласањето ги соопшти премиерот Оливер Спасовски.
По именувањето, замениците и дополнителните заменици – министри дадоа свечена изјава.
Нивниот мандат, како и на претходно именуваните министри во техничката влада, ќе трае до денот на објавувањето на конечните резултати од Државната изборна комисија за спроведените предвремени парламентарни избори избори.
Ново на Сител
-
Трамп воведува 25 отсто царина на индиска стока, критикувајќи ги врските со Русија
-
Клековски: Сите вработени со договор на дело по болниците во земјава ќе бидат вработени
-
Љутков: Установите од културата сега имаат повеќе пари за програми и проекти зашто буџетот не им се крати за исплата на плати
-
Љутков: Универзална сала ќе биде готова до крајот на 2027
-
Вардар – Пелистер во првото коло од новата сезона на ПМФЛ
-
Приведени четири странски државјанки во Гостивар поради злоупотреба на туристичкиот престој
-
Во изминатото деноноќие 28 пожари, активни се три
-
До крајот на неделава променливо време со повремен дожд и грмежи