Илјадници луѓе демонстрираа во Израел за ослободување на заложниците
Илјадници луѓе демонстрираа во Тел Авив и други израелски градови синоќа во корист на ослободувањето на сите заложници што сè уште ги држи Хамас во Појасот Газа.
-Пред шест месеци, повторно го видов сонцето по 471 ден во тунелите на Хамас и го зедов првиот здив што не беше само страв, рече поранешната заложничка Дорон Штајнбрехер, зборувајќи на централниот митинг во Тел Авив, според „Тајмс оф Израел“.
„Сега, шест месеци подоцна, сè уште не можам да дишам без страв“, додаде таа. „Ова бара време. А првиот чекор е сите да се вратат“.
Толпата синоќа маршираше од таканаречениот Плоштад на заложниците во центарот на Тел Авив до филијалата на амбасадата на САД на улицата Хаџаркон.
Со скандирања, учесниците на митингот го повикаа американскиот претседател Доналд Трамп да изврши притисок врз израелскиот премиер Бенјамин Нетанјаху да ги доведе индиректните разговори за прекин на огнот со Хамас до успешен крај.
Преговорите во главниот град на Катар, Доха, се влечат со недели. Дипломати од Катар, Египет и САД дејствуваат како посредници. Еден ден претходно, Трамп објави во Вашингтон дека 10 заложници ќе бидат ослободени „многу наскоро“.
Ново на Сител
-
Кривична пријава против две лица од Велешта кои му се заканувале на пратеник од Струга
-
ЦУК: 15 пожари на отворен простор, девет активни и шест под контрола
-
Од ноќеска нестабилно со пороен дожд и грмежи и услови за краткотрајно невреме, особено во четврток
-
Митевски: Најдоцна до крајот на септември зонско паркирање во Ново Лисиче и Реонски центар
-
Поевтинуваат бензините и дизелот
-
Повторно поставен споменикот на Андон Лазов-Ќосето
-
Изминатиов викенд 1148 сообраќајни прекршоци на територија на цела држава, 458 за брзо возење
-
Македонски боксерски судија нападнат во ринг од страна на азербејџански тренер | ВИДЕО