Илјадници Американци му оддаваат почит на убиениот Чарли Кирк

Денеска илјадници Американци низ целата земја му оддадоа почит на убиениот американски патриот Чарли Кирк, додека неговата вдовица, Ерика Кирк, присуствуваше на бдение во Де Мојн, Ајова, каде беа прикажани слики од Кирк и неговото семејство, како и видео од говорот на Ерика Кирк, која вели дека борбата на нејзиниот покоен сопруг била духовна, а не само политичка, и дека тој сега носи круна на маченик.

-Злосторниците што го убија мојот сопруг немаат поим каков оган запалија во мене. Криковите на оваа вдовица ќе одекнуваат низ светот како боен повик, изјави Ерика Кирк.

Погребот на Кирк ќе се одржи во Аризона, а присуство најави и американскиот претседател Доналд Трамп.

Осомничениот за убиството, 22-годишниот Тајлер Робинсон, се соочува со обвиненија за тешко убиство, криминална употреба на огнено оружје за нелегални цели и попречување на правдата.

Чарли Кирк беше убиен на 10 септември за време на јавен говор на универзитет во американската држава Јута.