„Илинден“: Тирана ја потврди реалноста - во Албанија живеат Македонци, а не Бугари
Македонското друштво „Илинден“ со седиште во Тирана и огранокот за Голо Брдо, го поздравија усвојувањето на Предлог-законот за заштита на малцинствата, што албанската влада го усвои пред два дена.
Друштвото со оценка дека тоа претставува чекор напред и правна рамка за остварување на легитмните права на малцинствата.
- Од името на сте Македоцни што живеат во Република Албанија, го поздравуваме овој чекор на Владата во Тирана. Со законот Владата како национални малцинства ги признава македонското, грчкото, влашкото, ромското, црногорското, српското, бошњачкото и египќанското малцинство. Тоа е реалноста во Албанија, кога станува збор за малцинствата, се наведува во соопштението на друштвото.
Она што посебно го сметаме за победа, стои понатаму во соопштението, е фактот што Владата потврдува дека во Република Албанија живеат Македонци, а не Бугари, како што се обидуваа бугарските пратеници Андреј Ковачев и Ангел Џамбаски преку Резолуцијата на Европскиот Парламент за Албанија да „докажат“ постоење на Бугари во Албанија.
Инаку, Предлог-законот за заштита на малциснтвата набрзо треба да се најде пред пратенците во албанскиот парламент.
Со него се утврдуваат правата на малцинствата во согласност со Уставот на земјата, како и меѓународната Конвенцијата во рамките на Советот на ЕУ за заштита на малцинските права,која Албанија ја ратификува во 1999 година.
Ново на Сител
-
Штипска физикална со недостаток на кадар и пристојни услови за работа
-
Иницијатива за законски измени, родителите на деца со попреченост да добијат статус ,,родител негувател“
-
Потенцијал за повеќе туристи има, недостасува стратегија
-
Драматична сликата на Преспанското Езеро
-
СДСМ: 50 партиски вработувања во Осломеј
-
ВМРО-ДПМНЕ: Милионска шема со државни тендери
-
Преглед на вестите од светот
-
Teма на денот со Стоје Арсовски, пилот на ертрактор