Идните средношколци во Струмица најмалку интерес покажале за струки од тригогодишното образование
Идните средношколци во Струмица најмалку интерес покажале за тригогодишното образование за занимањата месаропреработувач/пекар, поледелец, конструкциски механичар, ракувач на машини и тесар, армирач, бетонирач и за нив не се пријавил ниту еден ученик, информираат од Општина Струмица.
Најголем интерес, пак, има во четиригодишното образование за образовните профили медицинска сестра, физиотерапевтски техничар, фармацевтски техничар, техничар за патен сообраќај, електротехничар за КТА, машински техничар за моторни возила и во гимназиското образование за природно-математичко подрачје.
Ова е констатирано по првото пријавување во трите средни училишта во Струмица, кое траеше од 14 до 17 овој месец.
Од вкупно пријавени 638 ученици во првиот уписен рок се запишале 586, а има 685 слободни места во Средните општински училишта „Јане Сандански“, „Никола Карев“ и „Димитар Влахов“.
Второто пријавување за упис во средните училишта ќе се врши на 23 и 24 јуни, а третото на 30 овој месец.
Ново на Сител
-
Повредени 47 лица во судир на два градски автобуси во јужно предградие на Атина
-
Претрес во дом на полициски службеник од СВР Тетово, правел злоупотреби со пријавувањето на странски државјани
-
Советот на јавни обвинители најави забелешка на три алтернативни членови на Предлог законот за Совет на ЈО со кои се врши депрофесионализација
-
АХВ воведе мерки за заштита од чума кај малите преживари и за Косово
-
Приведен крадец во Скопје, пронајдено и возилото што го украл
-
На „Богородица“ и на „Табановце“ се чека 20 до 30 минути
-
Владата со препораки за заштита од топлотниот бран
-
Eнормно зголемена потрошувачката на вода, неконтролирано се полеваат бавчи и ниви