ИД киднапира 340 работници од цементарницата во Думејр

Борци на Исламска држава киднапираа 340 работници од фабрика за цемент во градот Думејр, јави сириската државна телевизија повикувајќи се на сириското Министерство за индустрија.

Киднапирани се работници од фабриката за цемент „Ал Бадија“ во Думејр, околу 40 километри североисточно од Дамаск. 

Според локалните жители киднапирани се од 150 до 250 работници.

На почетокот од неделата исламисти почнаа офанзива врз сириските сили во Думејр.