Ибрахим Ибрахими ја презеде функцијата министер за труд и социјална политика
Од денеска согласно член 3 од Законот за изменување и дополнување на Законот за Владата на Република Македонија од јули 2016 година, заменик-министер во Министерството за труд и социјална политика Ибрахим Ибрахими ја презема надлежноста, односно ја врши функцијата министер за труд и социјална политика, соопшти Министерството за труд и социјална политика.
Ибрахими е роден во Гостивар 1967 година и е дипломиран економист. Дипломирал на Економскиот факултет во Скопје, а во моментов е на постдипломски студии по сметоководство и ревизија, како и на постдипломски студии по политички науки на Универзитет на Југоисточна Европа воТетово.
- На 29 јули 2011 година избран е за заменик министер за труд и социјална политика, а од 2008 до 2011 ја извршува функцијата заменик министер во Министерството за правда. Во периодот од 2007-2008 работи како советник во Министерство за труд и социјална политика. Од 2004 до 2006 бил проект менаџер во Европски центар за малцински прашања, а во периодот од 2001 до 2004 програмски координатор на проект Ромаверзитас во Фондацијата Институт Отворено Општество Македонија. Во периодот 2000-2001 година е шеф на сметководство во Фатина – Гостивар, се вели во соопштението.
Ибрахими е автор на брошурата „практичен водич за невладини организации за ДДВ", како и на извештајот на Советот на Европа "Вработувањето и социјалните бенефиции за Ромите во Македонија" (2002), на извештајот на Советот на Европа "Вработување, развојни политики и имплементација".
Говори англиски, турски, албански јазик, француски јазик (пасивно) и српски јазик.
Ново на Сител
-
Шест полицајци повредени во Нови Пазар во судир меѓу граѓани и полиција пред зградата на Државниот универзитет
-
ОН: Во Газа влегува само половина од потребната помош, стотици илјади луѓе гладуваат
-
УЈП: Загрижувачка состојба во исполнување на ДДВ обврските
-
Со запален факел од хартија и текстил запалил греди на натстрешница - Истрага за пожар во Струмица
-
Ангелов: Во тек е административна селекција на пријавените кандидати за пожарникари
-
До 15 септември сите службени возила ќе имаат таблици во боја
-
Поради расправија за паркинг место, 41-годишник физички се пресметал со 83-годишен дедо
-
Приведен 70-годишен штипјанец, допирал по телото малолетничка