И Грција ја зафати топлотен бран кој ќе трае до крајот на неделава

Грција веќе трет ден се соочува со температури повисоки од 40 степени, кои според грчките метеоролози ќе траат до крајот на неделава.

Како што јави дописникот на МИА од Атина, со топлотниот бран најмногу се зафатени западна и северозападна Грција, каде се измерени 42 степени, а лекарите предупредуваат дека за здравјето на луѓето посебно се штетни високите ноќни температури.

На сите Грци им се препорачува што помалку да се изложуваат на сонце, а локалните власти во градовите организираа засолништа за луѓето кои немаат клима уреди во своите домови.