Хуманитарни пакети од Општина Карпош за социјално загрозени семејства
Општина Карпош денеска додели хуманитарни пакети со кондиторски и прехранбени продукти, како и средства за лична хигиена на четири социјално загрозени семејства.
Градоначалникот на општината Стевче Јакимовски и вработени од Одделението за детска, социјална и здравствена заштита посетија едно семејство во населбата Злокуќани и три во Бардовци.
- На терен се соочуваме со различни животни приказни, односно лични човечки проблеми, и максимално се трудиме да им помогнеме и да ги решиме. Се сретнавме со самохран татко кој има три деца кои се занимаваат со прибирање на секундарни суровини за да обезбедат егзистенција. Нашата намера е да му помогнеме на ова семејство, децата да ги запишеме во училиште, и да им обезбедиме една посветла иднина. На друго семејство кое има лице со посебни потреби му помагаме на начин што им ги олеснуваме административните лавиринти, со цел да добие соодветна социјална помош, рече Јакимовски.
Градоначалникот рече дека исто така граѓаните биле советувани како да постапат при имотно-правна делбена постапка, која не е во општинска, туку во судска надлежност, бидејќи не се запознати целосно со административните процедури.
Делегацијата од Општина Карпош го посети инклузивниот центар за деца од Бардовци и Злокуќани „Монтесори“, поддржан од Општина Карпош, кој се наоѓа во ООУ „Аврам Писевски“.
- Овој центар веќе постигнува одлични резултати со учениците, и веќе од деца кои биле на социјалните маргини и немале можност за наобразба, сега имаме деца кои ја владеат азбуката, бројат, и се подготвени за училишна настава. Токму ова ми претставува големо задоволство, бидејќи овие деца ќе ги насочиме кон една посветла иднина, и ќе ги отстраниме од девијантни појави, кои можат да им го загрозат животот, изјави градоначалникот Јакимовски.
Посетата беше реализирана во рамки на одбележувањето на роденденот на Општината
Ново на Сител
-
Николовски со писмо до Мицкоски: Овозможете донесување на земјоделските закони
-
Наредните денови стабилно, во недела пороен дожд и грмежи
-
Самит „Македонија 2025“: Регионалната соработка, мирот и инвестирањето во образованието клучни во овие тешки времиња
-
Блиц: Пронајдено телото на Матеј Периш, гардеробата на телото одговара со описот на гардеробата која ја носел
-
Русија: Од Азовстал досега се предадоа 959 украински војници
-
Почна Самитот „Македонија 2025“
-
Почина поранешниот германски кошаркар Окулаџа
-
Шаќири најплатен фудбалер во американската МЛС лига