Хуманитарна изложба во Кавадарци
Хуманитарна изложба се одржа денеска во Домот на културата „Иван Мазов Климе” од Кавадарци, беа изложени дела од тројца уметници, како и слики од децата од Дневниот центар за лица со посебни потреби „Свети Кирил” од Скопје и од нивните родители.
Олгица Георгиева како претставник на Центарот, информираше дека установата постои три години и за тоа време, таму биле згрижени 42 деца со посебни потреби.
- Со нив работат физиотерапевт, логопед, психолог, педагог, професор по ликовна уметност, појасни Георгиева.
Изрази благодарност до општина Кисела Вода, која им доделила објект за Центарот.
- Се работи за поранешно училиште кое било напуштено петнаесет години. Го реновиравме и адаптиравме самите. Сега условите се идеални за децата. Меѓутоа, се уште фалат многу работи. Константно има потреба од обновување на дидактичките материјали. Ни фали ограда, уште сензорна интеграција. Сакаме и кујна бидејќи јас во саботите самоиницијативно ги обучувам децата кои се заинтересирани да готват, рече Георгиева.
Во Кавадарци беше и Розе Мојсовска, лице со посебни потреби кое црта со помош на устата.
- Пресреќна и презадоволна сум од изложбата. Сакам да порачам дека и ние со посебни потреби можеме да работиме на специфичен начин, нагласи Мојсовска.
Ново на Сител
-
Прегласувањето во Охрид тече непречено
-
Мирна атмосфера на денешното прегласување во општините Долнени и Крушево
-
Вработените во Пошта во штрајк од јуни
-
Ацевски: Степенот на имплементација на целите за одржлив развој во националната рамка е задоволителен
-
Семејното насилство во галопирачки пораст
-
Невреме со силен ветар, дожд и град попладнево го зафати кумановскиот регион
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор