Хулкенберг ја критикуваше Ф1: Емоциите на трките се природни
Германскиот возач на Заубер, Нико Хулкенберг, изрази збунетост од новото правило на Светската автомобилистичка федерација (ФИА) со кое се забранува употреба на непристојни зборови во Формула 1.
- Изненаден сум и не разбирам зошто постои ова правило. Се прашувам како ФИА планира да го спроведе, формулацијата е премногу нејасна. Низ годините на мојата кариера, никогаш не сум слушнал никакви поплаки за начинот на кој пилотите се изразуваат. Напротив, на гледачите им се допаѓа искреноста. Во Формула 1, тркачите веднаш се фатени во блицовите на камерите, исполнети со адреналин, по битката на патеката. Природно е дека во моменти како овие може да се искажат зборови што вообичаено не ги користиме, изјави Хулкенберг за „Racingnews365“.
Тој нагласи дека и самиот избегнува непристојни зборови: „Никогаш не сум бил од оние кои пцујат. Ова не е за мене“.
Пилотот исто така изрази сомнеж за потребата од „емоционална цензура“ во спортот каде страстите се дел од спектаклот.
Сезоната во Формула 1 започнува во Австралија на 16 март.
Ново на Сител
-
Над 12 000 инспекциски контроли, уништени околу 56 тони небезбедна храна
-
Приведени тројца тетовчани - пронајдени пиштол, стотици куршуми, дрога
-
Кривична за градоначалникот на Росоман - фалсификувал исправи, купувал алкохол, млечни и сувомеснати производи за домашна потрошувачка
-
Рама: Почнавме со подготовките за Самитот на НАТО
-
30 дена притвор за Нацев, сопственик на агенцијата за обезбедување „Рубикон“
-
Авионско прскање против комарци утре наутро во Скопје
-
ДЗР: Констатирани неправилности и системски слабости во Комисијата за хартии од вредност
-
Во Брисел продолжува дијалогот меѓу Белград и Приштина