Хрватска затвори седум гранични премини со Србија, Бајаково останува отворен

Хрватска синоќа за секаков вид на сообраќај затвори седум премини кон Србија, додека граничниот премин Бајаково останува отворен за сообраќај, јави Танјуг.

Шефот на смена на станицата на хрватската гранична полиција Бајаково, Дамир Цули изјави за Танјуг дека граничниот премин Бајаково на границата меѓу Србија и Хрватска останува отворен, дека работи нормални и е прооден за целокупниот сообраќај.

- Бајаково е отворен, целиот промет и сообраќај се одвива нормално и нема гужви, изјави Цули.

Хрватското министерство за внатрешни работи соопшти дека до 22 часот на територијата на Хрватска влегле 11.003 мигранти и дека полицијата затворила седум гранични премини со Србија.