Хорор во Тетово: Жени повредени во две страотни сообраќајки
Две повредени лица и материјална штета од околу 180 илјади денари се последиците од двете сообраќајни несреќи што во текот на вчерашниот ден се случиле на две различни места во Тетовско, информираше портпаролот на СВР Тетово Марјан Јосифовски.
Првата сообраќајка се случила на регионалниот пат Тетово-Јажинце пред влезот во селото Доброште околу 12 часот и 30 минути. При тоа се судриле „Голф“ со германски таблици управуван од Р.А.(47) од Урошевац, Косово и „Цитроен“ со косовски таблици што го управувал 32-годишниот Ф.Т.(32) од Драгаш, исто така, од Косово. При судирот А.Т.( 58 ) која била сопатничка од „Цитроенот завршила со телесни повреди и со друго возило била пренесена во Тетовската болница. По укажаната лекарска помош била задржана за натамошна опсервација.
- Во извршениот увид првично е утврдено дека причина за несреќата е непочитување првенство на минување, а вкупната материјална штета се проценува на 100 илјади денари, рече Јосифовски.
И во втората сообраќајка со повреда се здобила сопатничка откако автомобилот „Ауди“ со тетовски таблици што го управувал И.З.(50) од Стримница се судрил со „Опел астра“ со скопски регистерски таблици управуван од Ш.Џ.(67) од Долно Свиларе. Несреќата се случила синоќа околу 20 часот на локалниот пат Стримница-Челопек и при тоа Х.З.(51), сопатничка од Аудито, се здобила со телесни повреди. Таа со друго возило била пренесена во Тетовската клиничка болница и по укажаната помош била пуштена на домашно лекување.
И тука полицијата извршила комплетен увид и првично било утврдено дека причина за несреќата е неприлагодена брзина, додека вкупната материјална штета се проценува на 80 илјади денари.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар