Хорор: Двајца чистачи на прозорци виселе „заробени“ на 72 кат во оштетена платформа

Двајца чистачи на прозорски стакла во Тексас, останале заробени еден час во тешко оштетена платформа, на фасадата на облакодерот во Хјустон каде е сместена филијалата на американската банка „ЏП Морган-Чејс“.

Инцидентот се случил близу до врвот на зградата која е највисока во овој тексашки град, меѓу 72 и 73 кат, кога една од челичните сајли на кои се држела платформата, се откачила.

Платформата на која биле двајцата чистачи, наеднаш се навалила за 45 степени, држејќи се само на една сајла, а преплашените работници очекувале секој момент и таа да се скине и тие да пропаднат во амбисот.

Преку радио станицата со која биле снабдени, сепак ,успеале да побараат помош. Спасувачки екипи од противпожарната служба во Хјустон започнале сложена операција за спасување на заробените чистачи, која успешно била завршена.

Било одлучено да се демонтира едно од големите прозорски стакла на фасадата на банката , преку кое спасувачите, со јажиња, ги извлекле на смрт исплачените чистачи.

Полицијата соопшти дека никој во инцидентот и при операцијата за спасување не бил повреден