Холандскиот „Вог“ излезе со насловна страна со две голи манекенки во „клинч“

Холандското издание на магазинот „Вог“ по повод својот петти роденден, излезе со провокативна наслова страна на која се прикажани две голи манекенки во „клинч“ позиција. 

По идеја на уредничката Карин Сверик, фотографијата за насловната страна на ова издание на „Вог“ со популарните холандски манекенки Лара Стоун и Дуцен Крос ја изработи славниот фотограф Марио Тестино.

Во весникот се објавени и фотографии на манекенките во гардероба, кои исто така се провокативни.

Иако некои сметаат дека ваквите фотографии се непримерни, сепак Тестино изјави дека е многу задоволен од добиениот резултат.

- Лара има неверојатни гради, а Дуцен совршен задник. Поради тоа тие две изгледаат добро голи. Беше одлично да се соработува со нив, изјави Тестино.