Холандија има зголемен број на новозаразени од Ковид-19

Холандија, која меѓу првите земјите во Европската унија се откажа од речиси сите мерки за заштита од коронавирусот, повторно бележи голем пораст на новозаразени.

Најголем број нови инфекции се откриени кај млади луѓе, тинејџери и 20-годишници – старосна група која е последна во редовите за вакцинација и се уште не е вакцинирана или ревакцинирана.

Од друга страна, бројот на луѓе во болниците засега е се уште мал, благодарение на зголеменото ниво на вакцинација, особено постарите лица и граѓаните со други здравствени ризици, кои досега главно се имунизирани.